Tui tơlơi lăi pơthâo mơng anom bruă apui lơtrik Việt Nam (EVN), anom bruă anai hơmâo tơlơi pơtrun mrô 377 kơ bruă pơplih nua sĭ apui lơtrik. Tui anun, dong mơng lơ 4/5/2023, nua sĭ apui lơtrik lĕ 1.920 prăk/kWh (aka ƀu yap wŏt jia). Rơnoh pơplih anai đĭ 3% pơhmu hăng nua sĭ apui lơtrik ră anai. Hlâo anun, lơ 31/3, Ding jum sĭ mơdrô hăng tuh tia pơkra pơjing hơmâo lăi pơthâo boh tơhnal pel ĕp kơ nua pơkra pơjing sĭ mơdrô apui lơtrik thun 2021 hăng 2022 mơng EVN brơi ƀuh nua pơkra pơjing sĭ mơdrô apui lơtrik thun 2022 lĕ 2.032 prăk/kWh, đĭ rơbêh 9% pơhmu hăng thun hlâo.

Ding jum sĭ mơdrô hăng tuh tai pơkra pơjing hơmâo hră pơ-ar črân ba EVN ngă tui bruă pơplih nua sĭ apui lơtrik tui tơlơi git gai mơng Kơnuk kơna, kiăng pơhlôm bruă wai lăng nua apui lơtrik huăi đĭ trun ha wŏt, kiăng pơhlôm ƀơƀrư̆, hơđong kơđi čar hăng mơnuih mơnam, bơkơnar tơlơi dưi mơng anom bơwih ƀong sĭ mơdrô hăng mơnuih ƀon sang.