Anai lĕ, sang anŏ ƀun rin biă mă, sang hlâo kơ anun anet đôč hăng răm laih, dŏ hŭi ƀu rơnuk rơnua ôh kơ 5 čô mơnuih amăng sang anŏ. Mơ̆ng rơnoh prăk 60 klăk sang bruă apui lơtrik djru, sang anŏ ơi Tam čan thim, pơkom tui man pơdong giong hĭ sang rơhaih 100 met karê. Ƀrô tal anai, anom bruă apui lơtrik Dak Lak dŏ brơi 1 boh tivi pioh sang anŏ hơmâo anŏ lăng tơlơi pơhing, mơak amăng sang phrâo.

Dưi thâo anai lĕ sa amăng 5 boh sang anŏ tơnap tap dưi hơmâo kông ty apui lơtrik Dak Lak djru prăk pơdong sang hơdor tơngia tal anai. Sang anai dưi man pơdong hăng jao glăi hmao kru djru ba lu sang anŏ ƀun rin dưi hơmâo sang dŏ hơđong ƀiă ƀơi anăp bơyan hơjan hlim, rơbŭ kơthel, đah mơ̆ng hơmâo pran jua tơgŭ ngă bruă hrưn đĭ bơwih ƀong huă.