Ƀơi mông jơnum, ơi Nguyễn Ngọc Hải, Kơ-iăng Khua anom akŏ bruă-prăk kăk gah Ding jum Tơlơi pơhing hăng Pôr pơhing hơmâo lăi pơthâo jơlan hơdră pơhrŏ ƀun rin tŭ mă tơlơi pơhing mơ̆ng thun 2016-2020 hăng črăn mơ̆ng thun 2021-2025; hơdôm hơdră bruă djru mơnuih ƀôn sang djuai ƀiă hăng kual čư̆ siăng tŭ mă tơlơi pơhing mơ̆ng thun 2021-2025.

Tui hăng anun, rơkâo hrom amăng bruă djru tơlơi pơhing, pôr pơhing kơ bruă pơhrŏ ƀun rin lu mơta, brơi djop sang bruă čih tơlơi pơhing, pôr pơhing kiăng thâo laih anun pôr tơlơi pơhing djop, hmao kru kơ bruă mă pơhrŏ ƀun rin lu mơta; pơđĭ tui tơlơi thâo hluh, glăm ba mơ̆ng djop sang bruă kơnuk kơna, anom bruă mơnuih tơpuôl hăng mơnuih mơnam ngă tui tơhnal pơtrun, bruă mă pơhrŏ ƀun rin laih anun bruă iâu pơtum pran jua mă bruă djru hrom pơhrŏ ƀun rin hơđong kjăp.