Pơphun amăng 3 hrơi, Jơnum min apăn bruă Khua pơ ala mơnuih ƀôn sang dêh čar gum pơhiăp hăng pel ĕp hluai tui Phiăn pơtrun pơplih pơkra, pơhrua nao sa dua mơta tơlơi mơng Phiăn pơtrun kơ akô̆ tlôn, hră pơ-ar pel ĕp, pơsit mă yua bruă bơtơhmal ƀơi Sang phăt kơđi; Pel ĕp, pơsit bruă mă tơlơi gum pơhiăp mơng mơnuih ƀôn sang kơ rơwang bruă Tơlơi phiăn lŏn drŏn (pơplih pơkra).

Hrom hăng anun, gum pơhiăp kơ bruă pơblang, tŭ mă, pơplih pơkra tơlơi čih pơkra Phiăn pel ĕp, pơjrao tơlơi ruă (pơplih pơkra). Ăt amăng mông jơnum mơn, Jơnum min apăn bruă Khua pơ ala mơnuih ƀôn sang dêh čar gum pơhiăp kơ bruă pơplih pơkra prăk mă yua pơhlôm bruă mă akă mă yua abih amăng thun 2021 mơng Anom bruă mă jia hăng Phun akha wai lăng bruă rô nao rai hăng dêh čar tač rơngiao; bruă pơhrua nao ngăn drăp kơnuk kơna djru mơng dêh čar tač rơngiao thun 2021 hăng pơsit bruă pơhrua nao prăk blơi pơ ala glăi braih djă pioh mơng lŏn ia./.