Pok pơhai ngă tui ha amăng plĕ hơdôm hơdră djuai ania
Thứ hai, 07:00, 23/01/2023
VOV/Siu Đoan Pơblang
VOV/Siu Đoan Pơblang
VOV4.Jarai- Dong mơng akŏ thun 2023, Jơnum min djuai ania pơphun Jơnum đơ đam dêh čar lăng glăi bruă djuai ania thun 2022; lăng glăi 1 thun ngă tui hơdră bruă tui hơnong pơkă dêh čar amăng pơđĭ kyar bơwih ƀong huă-mơnuih mơnam kual mơnuih djuai ania ƀiă hăng kual čư̆ siăng rơwang thun 2021-2030 hăng pok pơhai bruă jao amăng thun 2023.
Mơng tơlơi git gai khut khăt mơng Kơnuk kơna, hăng tơlơi gir run mơng djop djuai ania amăng bruă ngă tui ha amăng plĕ hơdôm hơdră djuai ania, hơdră djru mơnuih mơnam ngă kơ tơlơi hơdip mơnuih djuai ania ƀiă jai hơđong hăng jai hrơi hrưn đĭ.
Thun 2022, mrô sang anŏ ƀun rin kual mơnuih djuai ania ƀiă rơbêh 3% amăng ha thun. Khua ding jum, Khua jơnum min djuai ania Hầu A Lềnh brơi thâo, yak nao thun 2023, bruă yôm hloh lĕ pok pơhai hơdôm akŏ bruă amăng jơlan hơdră tui hơnong pơkă dêh čar hăng mrô prăk mă yua lu hloh mơng thun 2022, hơdai nao mă yua amăng thun 2023.
Viết bình luận