Hrơi mông mă tơlơi pơgôp hiăp mơng mơnuih ƀon sang amăng tơlơi phiăn lŏn mơnai (čih pơkra glăi) dong mơng lơ 3/1/2023 hăng pơđut hĭ amăng lơ 15/3/2023. Ba tơbiă tơlơi pơtrun anai kiăng pơphun mă tơlơi pơgôp hiăp mơng mơnuih ƀon sang mơng anun pơdah ngă pô, pơgôp tơlơi thâo thăi, tơlơi čang rơmang mơng mơnuih ƀon sang kiăng čih pơkra klă tơlơi phiăn lŏn mơnai, mơng anun ba glăi tơlơi tŭ ư mơng mơnuih ƀon sang hăng hơdôm tơlơi pơtrun, hơdră bruă mơng Ping gah, tơlơi phiăn mơng Kơnuk kơna kơ bruă lŏn mơnai.

Hrưn đĭ pran gơgrong ngă tui djơ̆ tơlơi phiăn mơng abih bang mơnuih, anih anom, khul grup amăng bruă pơgiong hơdră bruă, tơlơi phiăn lŏn mơnai, lăp djơ̆ hăng hơdră pơđĭ kyar bơwih ƀong huă anăp nao jơlan xã hội chủ nghĩa. Bruă pơphun mă tơlơi pơgôp hiăp mơng mơnuih ƀon sang kiăng pơphun tơpă sit, lăp djơ̆, sit nik , pơhlôm djơ̆ hrơi mông, klă hloh hăng pơkrem.