Mông tơña dik dăk hăng črăn tơlơi tơña mơng Khua pơ ala mơnuih ƀôn sang nao tơpă amăng hơdôm bruă akă dưi ngă, akă gal amăng ngă tui 3 jơlan hơdră pơkă mơng dêh čar kơ pơdŏng plơi pla phrâo; pơđĭ kyar bơwih ƀong – mơnuih mơnam kual neh wa djuai ania ƀiă hăng kual čư̆ siăng; hrŏ trun rin rơpa kơjăp phik.

Khua Ding jum, Khua Jơnum min djuai ania Hầu A Lềnh brơi thâo: Tơlơi tơnap hloh ră anai lĕ pok pơhai jơlan hơdră pơkă mơng dêh čar kơ pơđĭ kyar bơwih ƀong mơnuih mơnam kual neh wa djuai ania ƀiă hăng kual čư̆ siăng. Lu hơdră pơtrun, hơdră bruă gum djru pơkon hmâo bơdjơ̆ nao kual neh wa djuai ania ƀiă khom dưi lăi pơthâo hăng pơhrua nao pơplih pơkra lăp djơ̆ hăng bôh nik. Truh lơ 30/3 abih bang 15 ding jum, gơnong bruă dưi jao bruă hmâo pơsir laih hăng hmâo hră pơ-ar lăi glăi, pơtô brơi kơ hơdôm anih anom pơsir hmâo 121 tơlơi tơnap, tơlơi gun./.