60 boh sang bruă sĭ mơdrô hơmâo lăi pơthâo tơlơi pơhing kiăng ĕp 4000 čô mơnuih mă bruă tal jơnum pơthâo bruă mă anai. Rơđah biă mă ñu, nao ngă hrom rơbêh 60 boh kông ty, sang bruă sĭ mơdrô, amăng anun 33 boh sang bruă gơñu pô ĕp mơnuih mă bruă hăng 40 boh sang bruă kơnang kơ Anom bruă ĕp brơi bruă mă lăi pơthâo, pơčrâo tong ten anŏ kiăng ĕp mơnuih mă bruă truh 4000 čô.

Ƀing kiăng ĕp bruă mă, tơdơi kơ jak iâu djơ̆ anăn glăi mă bruă pơ hơdôm anih pơƀut pơkra ming, kông ty, sang bruă amăng tơring čar hăng hơdôm tơring čar gah kual dơnung hăng rơnoh prăk blan apah mơ̆ng 7 klăk truh 20 klăk prăk sa blan. Ăt amăng tal jơnum pơthâo bruă mă anai mơ̆n, lu boh sang bruă iâu pơmut mơnuih nao mă bruă apah pơ dêh čar Japan, Hàn Quốc hăng nao hrăm pơ dêh čar Đức kiăng djop 1.500 čô mơnuih arăng kiăng.