Kiăo tui anun, tơring čar Dak Lak amra mă yua 400.000 prăk sa čô mơnuih pioh djru brơi rơbêh kơ 13.600 čô mơnuih djru ngă hơkrŭ đưm; rơnoh 500.000 prăk sa bôh sang anô̆ brơi 591 bôh sang anô̆ amĭ Việt Nam sông kơtang hmâo rơngiă laih; mă yua 1.200.000 prăk kơ 118 čô mơnuih djru ngă hơkrŭ thâo bruă.

Rơngiao kơ anun, tơring čar dô̆ pioh 15 klăk prăk pioh čuă, ƀơk gơnam tam brơi kơ 3 Anom wai lăng pơjrao brơi kơ ling tơhan rơka ruă hăng Anom pơjrao mơnuih djru ngă hơkrŭ đưm ƀơi tơring čar Bà Rịa – Vũng Tàu, ƀôn prong Đà Nẵng hăng tơring čar Dak Lak. Tal anai, khua tơring čar Dak Lak amra pơphun hơdôm grŭp hyu čuă hăng ƀơi gơnam kơ amĭ Việt Nam sông kơtang, sa dua bôh sang anô̆ djru ngă hơkrŭ, rơnoh ƀơk brơi gơnam kơ mơnuih anai lĕ 2.500.000 prăk. Hơdôm bruă hyu čuă pơsat tơhan pơsăn drơi, tuĭ apui hlin hơdor tơngiă ăt dưi pok pơhai mơn ƀơi đơ đam tơring čar./.