Anai lĕ hơdrôm hră kiăng mơnuih amăng lŏn ia hăng tač rơngiao thâo hluh rơđah dong hăng djop mơta hơdră bruă brơi tơlơi đăo, bruă jơnum pơƀut gah tơlơi đăo ƀơi Việt Nam.

Đĭ pơhiăp amăng mông ba tơbiă hơdrôm hră kô̆ “Tơlơi đăo hăng hơdră bruă gah tơlơi đăo ƀơi Việt Nam”, ơi Nguyễn Tiến Trọng, Kơ-iăng Khua anom bruă tơlơi đăo dêh čar brơi thâo, hơdrôm hră anai amra lăi pơthâo tong ten kơ tơlơi đăo, hơdră bruă gah tơlơi đăo, hơdôm tơlơi dưi kơ mơnuih tui đăo ƀơi Việt Nam, kah hăng hơdôm tơlơi lông kiăng găn rơgao hăng hơdôm bruă jao akŏ phun kiăng pơtrut ba glăi tơlơi dưi kơ mơnuih tui đăo; hơdôm tơlơi pơkă kơ bruă ngă amăng tơlơi đăo amăng črăn tơlơi phiăn hơmâo ba tơbiă, tơlơi dưi, tơlơi lông hăng tơlơi đing nao mơng Việt Nam amăng bruă pơhlôm brơi tơlơi dưi kơ mơnuih tui đăo. Amăng črăn črâo ba hơmâo lăi pơthâo sa, dua rup rap gah tơlơi đăo, tơlơi jơnum pơƀut mơng mơnuih tui đăo ƀơi Việt Nam…