Mông jơnum tui tơđar mơng Khul mă bruă Keh prăk čơđai muai Sang gum hơbit djop dêh čar (UNICEF) pơphun mơng lơ 7-10/2, ƀơi Ƀirô mă bruă Sang gum hơbit djop dêh čar ƀơi New York. Pơhiăp amăng mông jơnum, Khua anih jưh pơ ala Đặng Hoàng Giang, Khua grŭp pơ ala kơ Việt Nam ƀơi Sang gum hơbit djop dêh čar lăi pơthâo hơdôm bôh tơhnal ƀuh rơđah hloh mơ̆ Việt Nam hmâo laih amăng sa thun rơgao yap mơng hrơi Grŭp mă bruă UNICEF pel ĕp Jơlan hơdră lŏn ia mơng Việt Nam blan 2/2022.

Khua anih jưh pơ ala ăt bơni mơn hăng pơsit yôm tơlơi gum djru, djru ba glăi bôh tơhnal, hmao tlôn mơng UNICEF pioh kơ Việt Nam, biă ñu lĕ djru hơdôm pluh klăk liều vaccine bŏng glăi hăng klin Covid-19. Khua anih jưh pơ ala Đặng Hoàng Giang, pơtŏng sit glăi amra gum hrom kơjăp dong hăng UNICEF kiăng pơtrut hăng pơgang hơdôm tơlơi dưi mơng čơđai muai./.