“Sang ƀing gŏp” prong 100 m2 hmâo jao laih kơ sang anô̆ Đại úy Y Thuy Bkrông – Anom bruă hyu hơduah lăng gah Ƀirô git gai Khul tơhan pơgang guai dêh čar tơring čar Dak Lak. Sang pơdŏng klă hiam, bă kơ pran jua ƀing gŏp amra djru 6 čô mơnuih amăng sang anô̆ tơhan plơi Y Thuy Bkrông hơ-in pran jua hơdip mơda, mă bruă, hrưn đĭ hơđong tơlơi hơdip mơda; hrŏm hăng anun pơjing pran đăo kơnang kơ mơnuih apăn bruă tơhan, ling tơhan hơđong pran jua kĕ phĭ hăng anom bruă, amra čơkă mă bruă hăng ngă giong klă djop bruă hmâo jao.

Tui hăng Đại tá Đào Việt Hùng – Khua Ƀirô git gai khul tơhan pơgang guai dêh čar tơring čar Dak Lak, amăng thun 2024, hơdôm bôh ƀirô, anom bruă, anom bơwih ƀong hmâo gum hrŏm djru pơdŏng laih 11 bôh “Sang ƀing gŏp” hăng “Sang pơđao guai dêh čar” djru mơnuih ƀôn sang ƀơi kual kual dêh čar hăng tơhan plơi tơnap tap kơ sang dô̆. Amăng anun, kơnong kơ VOV Tây Nguyên hmâo pơdŏng brơi 2 bôh sang dô̆ hmâo nua 150 klăk prăk./.