VOV4.Jarai - Lơ 12/8, Jơnum min mơnuih ƀon sang tơring čar Dak Lăk pơtrun kơčăo bruă kiăng dưi sĭ 2 djuai boh troh pla lu hloh amăng tơring čar lĕ sâu riêng hăng ƀơr hăng mrô gơnam hơmâo năng ai 150 rơbâo tơn. Kơčăo bruă anai hơmâo ngă tơdah klin Covid-19 dưi pơgang mơn, hăng klin Covid-19 kơtang, bruă sĭ kơ tač rơngiao tơnap. Tui hăng akŏ bruă phrâo pơtrun, Jơnum min mơnuih ƀon sang tơring čar Dak Lăk: tơdah klin Covid-19 ăt dưi pơgang tui ră anai, lĕ tơring čar kiăng djă bong bruă ba sĭ gơnam kơ tač rơngiao 70% sâu riêng, dưm dưm hăng 72.000 tơn; 30% dŏ glăi hơmâo ba sĭ amăng dêh čar, sĭ boh sŏ săt, lok kơđuh, pioh ngă rơ-ơ̆.

Kơplah wah blan 8, lơ̆m lu đang pla sâù riêng Dona pĕ boh, sầu riêng Dak Lăk truh bơyan laih.

Hăng boh ƀơr, tơlơi kiăng lĕ 80%, dưm dưm hăng 32.000 tơn ba sĭ amăng dêh čar, mrô dŏ glăi ba sĭ kơ tač rơngiao. Tal 2 lĕ klin Covid-19 ngă sat, tơring čar amra pơƀut djŏp tơlơi hơmâo djru ba mơnuih ƀon sañg dưi sĭ boh ƀơr, sâu riêng. Tơlơi kiăng ba sĭ sâu riêng kơ tač rơngiao trun dŏ glăi 50% hăng ƀơr dŏ glăi 10%. Truh mông anai, sầu riêng Dona, djuai pơmă hloh, glăk tơsă laih, hơmâo nua sĭ ƀơi đang mơtăm lĕ yŭ 45 rơbâo prăk/kg, rơgêh hloh 20% pơhmu hăng thun hlâo.

Siu H’Mai: Pơblang