VOV4.Jarai - Lơ 25/5, khua mua Gơnong bruă ngă hmua hăng pơđĭ kyar plơi pla tơring čar Dăk Nông brơi thâo, anom bruă glăk pơƀuh hơdră wai lăng anŏ klă mơng djuai phun mắc ca ƀơi tơring čar. Tui anun, Gơnong bruă ngă hmua hăng pơđĭ kyar plơi pla pơkă, hơdôm anih pơkra gơnam, sĭ mơdrô djuai phun mắc ca khŏm lăi pơthâo rơđah honong pơkă tui tơlơi pơtrun. Hơnong pơkă kơ phun mắc ca ƀơi tơring čar ƀu dưi aset hloh kơ hơnong pơkă mơng dêh čar ôh. Mơnuih bơwih ƀong, anom bruă khŏm ngă tui djơ̆ tơlơi pơkôl pơkă kơ bruă pơkra, sĭ mơdrô djuai phun mắc ca. hlâo či ba sĭ phun mắc ca, mơnuih bơwih ƀong, anom bruă khŏm mơ-it hră lăi pơthâo kơ Gơnong bruă ngă hmua hăng pơđĭ kyar plơi pla tơring čar Dăk Nông hơdôm tơlơi pơhing kah hăng” Anih blơi sĭ, anăn pô sĭ mơdrô ƀudah pô pơ ala brơi, mrô telephôn.

Siu H’Mai: Pơblang