VOV4.Jarai - Ngă tui jơlan gah pơsit bruă gơnam mă mơng măi mok mơng thun 2011-2015 hăng truh thun 2020, Gơnong bruă măi mok Daklak hmâo gum hrom hăng Gơnong bruă đang hmua pơphun pel ĕp kah pha hăng pơsit bruă bơkơtưn mơng gơnam mă mơng măi mok, amăng anun đing nao gơnam mă mơng măi mok pơkra gơnam mă mơng đang hmua. Hrom hăng anun pơphô brơi Jơnum min mơnuih ƀôn sang tơring čar Daklak mă yua hră čih anăm gơnam mă mơng măi mok plơi pla klă hloh, gơnam mă mơng măi mok phun, pơdŏng hơdôm glông pơlir hơbit nua sa dua mơta gơnam tam kah hăng: Kơ phê, ƀơr, mắc ca, tiu. Truh ră anai, đơ đam tơring čar hmâo pơdŏng laih 114 glông pơlir hơbit bruă pla – pơkra hăng sĭ gơnam mă mơng đang hmua hăng 35 mơta gơnam dưi pơsit tŭ yap hơdôm gơnam gah Jơlan hơdră sa bôh să sa gơnam tam./.

Siu H’ Prăk: Pô pơblang