VOV4.Jarai - Klin ngă pơtah ]roh [ơi un ăt le\ tơlơi pơhu^ prong hăng gơnong bruă rông hlô mơnong tơring ]ar Daklak, lom amăng thun anai, gơnong bruă ia jrao hlô mơnong ]ih djă pioh 133 anih klin ngă hăng giăm trun 1.600 drơi un [a\ djơ\ kơman.

Tơring ]ar Daklak glăk pơtrut kơtang hơdôm bruă pơgang, pơgăn klin ruă, kiăng pơhlôm s^ a`ăm un kơ tal rơnu] thun hăng Tết tui phiăn juăt.

Hleng hlong lăng nao hơdôm ruăi war un tơhong glăk dưi pruai nao sa tal ]ur bôh pơtâo, wa Phạm Thị Lợi, do# [ơi [ut Thống Nhất, tơring kual Ea Pôk, tơring glông }ư\ Mgar, tơring ]ar Daklak brơi thâo: anai le\ thun tal 2 na nao, pu\ un mơng sang ano# djai abih. Hơdôm tơlơi ]ang rơmang kơ hnưr un s^ amăng tal Tết rơngiă pưh tơngan laih. Wa Lợi lăi pơthâo:

“Blung a hmâo sa drơi un ania tuh ană giong lui [ong, laih anun iâu ara\ng tla#o jrao, tla#o jrao giong rơgao sa hrơi `u [ong glăi, tơdơi kơ anun [u gưt [ong dong tah hăng djai h^, ră anai un djai abih tui anun, lui [ong laih anun djai.

Thun hlâo ăt hmâo laih tơlơi anai, dưi hmâo kơnuk kơna djru brơi [ia\ pioh blơi glăi un rông tuh ană, ră anai [u pơmin ôh `u djai tui anai, [u thâo ngă hiưm hơpă dong tah”.

Kơthel klin pơtah ]roh [ơi un ngă djai abih bang 45 drơi un sang ano# ayong Nguyễn Hồng Quân

 Kah hăng wa Lợi, kơthel djă anăn klin pơtah ]roh un ăt ngă mơn abih bang 45 drơi un sang ano# ayong Nguyễn Hồng Quân, [ơi [ôn Bang, să Ea Yông, tơring glông Krông Pa]. “Kơthel klin” găn nao, pioh glăi răm rai kơ sang ano# `u rơbêh kơ 130 klăk prăk hăng tơlơi kiăng lăng nao kơ ano# [u bưng amăng bruă rông un raih daih.

“Hơdôm hrơi blung a un lui [ong, [ơ [rư\ un dju tui laih anun pơ-iă drơi jăn, drơi jăn un brom ju\ laih anun [ơ [rư\ djai h^.

Hrơi blung a djai 8 drơi, hrơi tal 2 djai 13 drơi, hrơi tal 4 djai abih bang, abih tih 45 drơi. Tơdơi kơ tal klin anai sang ano# kâo lăng nao hăng amra pơđ^ tui bruă rông un tui hơdră phrâo hăng pơsir war rông un pơhlôm”.

Tơring glông Krông Pa] le\ anih anom hmâo mrô un ]uh prai lu hloh tơring ]ar Daklak amăng thun 2020. Kơnong amăng 3 rơwang hrơi tơjuh mơng blan 10, 38 anih klin ngă hmâo [ơi 7/16 bôh să, hăng 487 drơi un hmâo tơlơi ruă hăng ]uh prai lui.

Ơi Phạm Bá Bàng, Khua Anom ia jrao hlô mơnong tơring glông Krông Pa], brơi thâo, [ơi anăp tơlơi ngă tơnap mơng klin ruă, Gơnong bruă ia jrao hlô mơnong tơring glông hmâo pha brơi 200 lit ia jrao pơdjai kơman kiăng ngă tui bruă pơrai kơman [ơi hơdôm anih hmâo klin ngă hăng kual jum dar.

Hrom hăng anun, pơtrut kơtang bruă pel e\p, lăng tui hăng lăi pơhing, pơtrut pơsur mơnuih [ôn sang agaih rơnăk war un, rông un pơhlôm sinh học, ngă tui “5 [u hmâo” amăng pơgang pơgăn klin ruă.

“Anom ia jrao hlô mơnong tơring glông glăi pok pơhai pơdjai kơman abih bang hơdôm kual glăk hmâo klin ngă hăng wot hơdôm kual amra hmâo klin ngă.

Anom ia jrao hlô mơnong hmâo pơdo\ng laih 2 gru\p mă bruă ta` nao pơ\ anun lăng tui kơ tơlơi klin pơtah ]roh ngă, hrom hăng anun lăi pơhun kơ mơnuih [ôn sang bruă pơgang pơgăn klin ruă, amăng anun biă `u pơdjai kơman hăng agaih anih rông un kiăng plai [ia\ lar tưp hyu”.

Mơnuih mă bruă ia jrao hlô mơnong tơring glông Krông Pa] prai lui un djơ\ klin        

Tơdơi kơ lu tơlơi gir run pơgang, pơgăn, klin pơtah ]roh un [ơi Daklak hơdư\ h^ [ia\, samơ\ ăt do# mơng 9 anih anom klin ngă akă rơgao 21 hrơi.

Ơi Thuỷ Lệ Vũ, Khua Anom gơgrong bruă rông hlô hăng bruă ia jrao hlô mơnong tơring ]ar Daklak brơi thâo, tơdơi kơ thâo hơdôm anih klin ngă pơtah ]roh un mơtăm, Anom bruă hmâo pơdo\ng hdôm gru\p hyu pel e\p bruă pơgang, pơgăn klin [ơi đơ đam tơring ]ar; pha brơi 2.100 lit ia jrao pơdjai kơman kơ hơdôm bôh Anom ia jrao hlô mơnong pioh pơgăn klin.

Anom ăt hmâo ]râo ba mơn khul ơi ia jrao hlô mơnong nao pơ\ anih klin ngă kiăng pel e\p hăng pruih ia jrao pơdjai kơman abih bang kual rông un mơng hơdôm bôh sang ano# mơnuih [ôn sang hăng anih anom jum dar hơdôm anih klin ngă. Hrom hăng anun kơtưn pel e\p bruă du\ pơgiăng un mut amăng plơi pla.

Tui hăng ơi Thuỷ Lệ Vũ, hơdôm jơlan gah pơsir phrâo lăi kơnong kơ bruă ngă [ơi anăp đo#], bơ\ sui thun, kiăng gơnong bruă rông hlô pơđ^ kyar kơja\p le\ jơlan gah phun hloh le\ rông un pơhlôm sinh học.

“Gơnong bruă đang hmua ăt pơtă mơn hơdôm anih anom biă `u 9 anih anom hmâo klin ngă akă rơgao 21 hrơi khom lăng tui un hmâo tơlơi ruă hăng akă [a\ tơlơi ruă kiăng dưi pơsit tơhnal `u.

Dua le\ rơkâo abih bang un rông khom dưi ]uh pơkra [ơi anih pơkă ]uh tă hơbit hmâo hră pơ-ar pel e\p klin ruă mơng [irô wai lăng bruă ia jrao hlô mơnong hăng dưi hmâo gru pơđom, anun kah mơng dưi ba hyu s^.

Hăng jơlan gah phun hloh ăt le\ pơdjai kơman, ngă tui bruă rông un pơhlôm sinh học anun kah mơng dưi hơdư\ h^ lar hyu”.

{ơi anăp hơdôm tơlơi pơplih tơnap mơng klin ngă pơtah ]roh un, tơring ]ar Daklak khom gir run dong hơdôm hrơi blan anun kah mơng dưi pơgăn klin ruă.

Mơnuih rông un amăng tơring ]ar ]ang rơmang, bruă pơđ^ kyar rông un tui jơlan gah sinh học amra tu\ yua, be\ tơlơi [u bưng truh hăng ba glăi lu bôh tu\ yua./.

            Nam Trang: Pô ]ih – Siu H’ Prăk: Pô pơblang