VOV4.Jarai-Lơ\m pơphun mă bruă, lu anom mă bruă hro\m [ơi tơring c\ar Daklak hơmâo gum pơgôp prong amăng bruă ngă đang hmua, blơi gơnam tam mơ\ng [ing ding kơna. Mơ\ng anun yơh.

Djru brơi mơnuih [on sang kơtưn đ^ prăk pơhrui, pơplih tơlơi hơdip mơda, hro\m hăng plơi pla ngă pơgiong hơnong pơkă mrô 13 amăng bruă man pơdo\ng plơi pla phrâo.

Giăm 4 thun mut nao Anom ngă hro\m amăng Bruă ngă hmua Dưm kơnar Ea Kmat, sang ano\ ơi Y Kưm Niê Kdăm [ơi să Hoà Đông, tơring glông Krông Pac\, tơring c\ar Daklak tơlơi hơdip jơnap tui.

Ơi Y Kưm brơi thâo, sang ano\ pla phun kơphê rơbêh 20 thun laih. Hơmâo thun, nua s^ kơphê trun kơtang, kơ[ah prăk tuh pơ alin `u kho\m c\an kơmơk mơ\ng sang s^ mơdrô mă kơmlai lu.

Lơ\m truh bơyan pe\ kơphê, ăt kho\m s^ kơphê mơtah brơi sang s^ mơdrô hăng nua [iă hăng anih pơko\n, anun yơh prăk pơhrui mơ\ng đang hmua [u lu ôh.

Samơ\ do\ng mơ\ng hrơi mut nao anom mă bruă hro\m, hơmâo djru blơi kơmơk tla tui [ơ[rư\, laih anun dơ\ng hơmâo pô blơi kơphê nua lu [iă hăng anih pơko\n.

Amăng 1 ektar kơphê pla pơ plah hăng 700 gong tiu, 40 phun boh [ơr booth hăng giăm 100 phun sầu riêng, r^m thun sang ano\ hơmâo prăk pơhrui giăm 200 klăk prăk.

Laih anun dơ\ng, ơi Y Kưm dưi nao pơhrăm boh thâo pla pơjing, pe\ pơhrui mơ\ng anun yơh gơnam pe\ hăng prăk pơhrui pơhlôm hơđong na nao r^m thun.

Kâo pơmin lơ\m mut nao anom mă bruă hro\m hơmâo lu tơlơi dưi, [ing gơmơi hơmâo arăng pơtô brơi amăng bruă pla pơjing phun kơphê, kiăng pe\ pơhrui lu kơ sang ano\, phun kơphê bluh hiam mơtah, nua s^ ăt lu tui mơ\n.

{ing gơ`u kiăng pe\ kơphê lơ\m tơsă, pơhlôm agaih gong, pe\ hơdôm [ơi amu hơdôm anun, amu kơphê [ơi lan xi măng agaih.

Amăng hmua kiăng pla pơ plah hăng phun sầu riêng, phun [ơr booth, kiăng hơmâo lu gơnam pơhrui hăng ngă tơ-ui.

Yua anun yơh s^ kơphê hơmâo nua mơ\n, asar kơphê pơhlôm hơdjă. Bruă anai ngă tơlơi hơdip kơ mơnuih [on sang jai hrơi jơnap tui’’.

Hlâo adih le\ sa boh sang ano\ bơwih [ong hajăn đôc\, blan 4 thun hlâo anun, ayong Hoàng Minh Tuân [ơi să Ea ~uôl, tơring glông {uôn Đôn, tơring c\ar Daklak hơmâo pơ[ut lu mơnuih ako\ pơjing Anom Ngă hmua hăng S^ mơdrô hro\m Quân Vương.

Anom pơphun bruă mă amăng rông hlô mơnong, mơnu\\ c\eh boh, s^ mơdrô djuai mơnu\ tui hăng tơlơi pơkă hơdjă.

Truh ră anai, sang rông mơnu\ mơ\ng anom mă bruă hro\m hơmâo giăm 10.000 drơi mơnu\ c\eh boh, r^m blan ba nao s^ 50.000 drơi ană mơnu\, s^ [ơi hơdôm tơring c\ar kual C|ư\ Siăng.

Hro\m hăng anun, mơ\ng ako\ thun anai, anom mă bruă hro\m hơmâo rông 2.000 drơi mơnu\ s^ ngă mơnong prưh amăng hmua tui tơlơi pơkă VietGap; pơlir hơbit hăng mơnuih [on sang pơđ^ kyar bruă rông prưh mơnu\ amăng hmua.

Mơ\ng anun, Anom mă bruă hro\m amra djru brơi djuai mơnu\ rông, gơnam [ong, ia jrao pơgang hăng blơi mơnu\ mơ\ng mơnuih [on sang.

Anai le\ 1 amăng 5 boh anom mă bruă hro\m hơmâo tu\ mă prăk djru ako\ pơjing hơbô| bruă pơlir hơbit hăng hơdôm gơnam tam mơ\ng đang hmua amăng tơring c\ar Daklak thun anai. Ayong Hoàng Minh Tuân brơi thâo:

Hơnong pơkă mơ\ng Anom mă bruă hro\m le\ pơđ^ kyar rơnoh yôm, ngă pơgiong amăng bruă bơwih [ong hơđong mơ\ng djuai mơnu\ rông truh ba s^ ngă mơnong, ba nao hơdôm sang s^ mơdrô hăng sang tuai [ong huă.

Tơdơi kơ rơkâo đ^ tơlơi anai Khul pơlir hơbit anom mă bruă hro\m tơring c\ar amra djru brơi gơnam tam, măi mok.

Tơring c\ar hơmâo lu ano\ gêh gal kiăng pơđ^ kyar ngă đang hmua, truh ră anai tơring c\ar Daklak hơmâo 228 boh Anom bruă ngă hmua hro\m ako\ pơjing, pơhưc\ rơbêh 20 rơbâo mơnuih mut nao, djru bruă mă brơi giăm 7.500 c\ô mơnuih.

Amăng bruă man pơdo\ng plơi pla phrâo, truh ră anai, đơ đam tơring c\ar hơmâo 90/152 boh să dưi ngă tui hơnong pơkă mrô 13 amăng pơphun bruă mă.

Tui hăng ơi Hoàng Khang, Kơ-iăng Khoa khul pơlir hơbit anom mă bruă hro\m tơring c\ar Daklak, kiăng anom mă bruă hro\m pơđ^ kyar klă djơ\, Khul pơlir hơbit anom mă bruă hro\m tơring c\ar gơgrong gum hro\m hăng hơdôm tơring glông, plơi prong hăng [ôn prong, pơtô pơjuăt [ing mơnuih apăn bruă [ơi anom mă bruă hro\m, ako\ pơjing hăng pơhư prong hơbô| mă bruă hro\m ba jơlan hlâo.

Amăng thun anai, mă mơ\ng prăk djru tuh pơ alin giăm 500 klăk prăk, Khul pơlir hơbit anom mă bruă hro\m tơring c\ar hơmâo ruah mă 5 boh anom mă bruă hro\m c\i tuh pơ alin blơi măi mok, djru amăng bruă ngă hmua, pơkra gơnam mơ\ng đang hmua hăng hlô rông.

Biă mă `u le\ tơlơi anai dưi pơsir bruă mơ\ng hlâo adih mơnuih [on sang aka dưi ngă anun le\ e\p anih s^ mơdrô brơi kơ [ing mơnuih glăk tơnap tap amăng bruă s^ gơnam tam.

Anai le\ bruă mă yôm mơ\ng anom mă bruă hro\m. yua anun yơh, kiăng to\ tui djru brơi hơdôm anom mă bruă hro\m hơkru\ kah hăng pel e\p glăi hơdôm mơta tơlơi amăng anom mă bruă hro\m kiăng gơgrong sit nik hăng mă bruă hơđong kjăp.

{ing gơmơi kho\m djru brơi hơdôm anom mă bruă hro\m pơjing hơdră bơwih [ong s^ mơdrô; ngă gêh gal kiăng anom mă bruă hro\m dưi mă bruă sit nik, pơlir hăng mơnuih [on sang.

Tui hăng tơlơi tu\ yap mơ\ng Khul pơlir hơbit Anom mă bruă hro\m tơring c\ar Daklak, lơ\m pơphun mă bruă lu anom ngă hmua hro\m hơmâo ngă djơ\ hăng tơlơi gơgrong le\ ‘’pô pơgang brơi’’, ngă gêh gal brơi [ing go\p, sang ano\ pơplih glăi bruă pla pơjing, rông hlô mơnong, ngă tui boh thâo ia rơgơi amăng bruă ngă hmua, ngă klă tui gơnam tam.

Bruă mă mơ\ng anom mă bruă hro\m pơlir hơbit hăng bruă pok pơhai ngă tui hơdôm jơlan hơdră, kơc\ăo bruă pơđ^ kyar tơlơi hơdip mơnuih mơnam anun le\:

Man pơdo\ng plơi pla phrâo, hro\ trun [un rin, pơtô bruă mă, djru pơđ^ kyar bruă bơwih [ong huă, mơnuih mơnam [ơi tơring c\ar.

Hơdôm anom mă bruă hro\m ba glăi boh tu\ yua gum pơgôp prong prin amăng bruă ngă pơgiong hơnong pơkă mrô 13 amăng bruă man pơdo\ng plơi pla phrâo, djru pơplih [ô| mơta plơi pla ala [on [ơi tơring c\ar Daklak.

Siu Đoan: Pô ]ih hăng pôr