VOV4.Jarai -  Tui hăng Gơnong bruă đang hmua hăng pơđĭ kyar ƀôn lan tơring čar Daknông, ruă bơbrah klĭ ƀơi pŭ rơmô hmâo laih ƀơi 15 bôh să, tơring kual gah 5 bôh tơring glông: Krông Nô, Dăk Glong, Dak R’lấp, Dak Mil hăng Čư̆ Jŭt hăng 230 drơi rơmô hmâo tơlơi ruă, amăng anun hmâo 5 drơi rơmô djai, khom čuh prai lui, hăng abih bang 343 kg. Daknông ră anai hmâo 31.500 drơi rơmô hăng 5.200 drơi kơbao. Ră anai glăk amăng bơyan hơjan, anun amuñ gluh đĭ klin, lar tưp hyu tơlơi ruă bơbrah klĭ ƀơi rơmô, kơbao.

Gơnong bruă đang hmua tơring čar Daknông hmâo rơkâo laih hơdôm anih anom lăng tui na nao klin ngă, pơtô brơi sang anô̆ rông rơmô, kơbao kơtưn mă yua hơdôm bruă agaih rơnăk, pơdjai kơman hăng čur bôh pơtâo hăng put jrao. Hrom hăng anun, ngă tui ha amăng plĕ hăng ngă tui đut tơhnal hơdôm bruă pơgăn klin, kơtưn lăng tui, thâo tañ hăng pơsir đut tơhnal hơdôm anih klin ngă, ƀu pioh lar tưp hyu ƀơi lu anih./.

Siu H’ Prăk: Pô pơblang