VOV4.Jarai - Tui hăng Anom bruă wai lăng bruă rông hlô hăng pơjrao hlô tơring čar Gia Lai, tơdơi kơ 5 blan pơgăn klin ngă pơđeh bơrơbliu ƀơi klĭ rơmô, klin anai dưi pơgăn hĭ laih. Klin ngă pơđeh klĭ rơmô hơmâo ƀơi Gia Lai mơng blan 5/2021 sui truh ră anai, hăng rơbêh 20 rơbâo drơi rơmô ruă. Hăng tơlơi gir pơgang klin, pơjrao brơi rơmô ruă, Anom bruă pơjrao hlô tơring čar Gia Lai hơmâo pơjrao suaih brơi 18 rơbâo drơi rơmô, čuh hĭ rơbêh 2 rơbâo drơi, dŏ kơnong 20 drơi laih glăk dŏ pơjrao. 98 boh să/13 boh tơring glông, plơi prong amăng tơring ča hơmâo lăi pơthâo abih klin.

Siu H’Mai: Pơblang