Pơphun mơng blan 9 thun hlâo, tal pơplông mă video clip hăng ană “tơlơi bơră ruai lăi nao kơphê Buôn Ma Thuột” lĕ sa amăng hơdôm bruă mă mơng Jơnum ngui kơphê Buôn Thuột tal 8, thun 2023. Tal blung a hơmâo pơphun, tal pơplông pơhưč 21 video mơng 19 čô mơnuih hăng khul grup amăng tơring čar Dak Lak hăng gah rơngiao nao pơplông hrŏm.

Tui sem lăng mơng Khul pơphun, hơdôm video nao pơplông pơdah djop mơta, hơmâo dưm dăp hiam hloh, ruah hơdôm tơlơi bơră ruai, anih hiam, gơnam yôm phara ƀơi kual Dap kơdư. Khul pơphun hơmâo ruah hăng jao brơi 7 video mă pri prong hloh, hơmâo 1 pri tal 1, pri tal 2, pri tal 3, 3 pri pơsur pran hăng 1 pri yua mơnuih mơnam ruah mă.