Amăng jua čing tơnah dik dăk, jua Ki pah tơtar hyu “Iâu yang – iâu tum pơƀut tum jơngum” hrom hăng lu tơlơi adôh suang djă jă gru grua đưm Dăp Kơdư, ƀing khua pơ ala hăng tuai hyu čuă ngui dưi hmư̆ jơlan hơdră adôh suang, nao hrom hăng pĕ gông atông brô̆, pơtưh hăng lu bruă mă lông lăng kah hăng kač rŭp, trah kyâu, rơkâo bôh hră đưm, pơdă prưng hơdrôm hră, rŭp čơphin, rŭp kač.

Hrom hăng anun, phiăn pơtưh hăng tơlơi pĕ gông atông čing Sắc Bùa mơ-ak bơyan bơnga yua kơ ƀing adơi amai Mường să Hòa Thắng, plơi prong Buôn Ma Thuột pơdah ăt pơjing lu mơn anô̆ djă pioh hăng hơdôm mơnuih nao pơhmư̆ lăng./.