Tui hăng tơlơi pôr pơthâo, Tal pơplông mă pri čưng boh lông anăn Futsal HDBank ƀing čơđai sang hră gưl prong kual Dap Kơdư thun 2023 amra pơphun mơ̆ng lơ 30/5 truh lơ 11/6, ƀơi pơplông pơrơguăt drơi jăn tơring čar Dak Lak plơi prong Ƀuôn Ma Thuôt. Pri anai pơtum grup đă boh lông Futsal mơ̆ng hơdôm sang hră gưl prong amăng kual Dap Kơdư kah hăng:
Sang hră gưl prong Đại học Tây Nguyên; Đại học Y dược Ƀuôn Ma Thuôt; Đại học luật Hà Nội čơƀeng ƀơi Dak Lak; sang hră Cao đẳng Bách khoa Tây Nguyên; Cao đẳng FPT Polytechnic Tây Nguyên; Cao đẳng kỹ thuật Dak Lak; Cao đẳng y tế Dak Lak; Đại học Đà Lạt hăng Cao đẳng Cộng đồng Kon Tum. Kơnong kơ tal pơplông anai, kiăng ƀu pô rơgơi, kơtang čưng boh lông pioh pơtô pơhrăm kơ bruă čung boh lông tơdron anet Futsal, ƀudah ĕp mơnuih pơmut hrom grup čưng boh ông dêh čar.
Viết bình luận