Jing juăt laih, amăng lơ 7 blan sa rim thun, lu mơnuih ƀôn sang hăng tuai hyu čuă ngui nao pơ̆ kual tuai čuă ngui Kŏ Tam, ƀơi plơi prong Buôn Ma Thuột, tơring čar Daklak hmâo tal nao pơhmư̆ lăng jơnum ngui ba Quốc mẫu Âu Cơ hăng yôl mơ-ĭt tơlơi čang rơmang ƀơi phun kyâu čang rơmang amăng thun phrâo.

Tal anai, ƀơi lu tơring glông, să amăng tơring čar Daklak ăt glăk pơphun mơn hơdôm bruă mă bôh thâo, jơnum ngui akô̆ bơyan bơnga: Jơnum ngui pok phun mơng djuai ania Mường ƀơi să Hoà Sơn, tơring glông Krông Bông; Jơnum ngui Lồng tồng gah djuai ania Tày, Nùng ƀơi tơring glông Čư̆ Mgar; Jơnum ngui pơplông waih song ƀơi tơring glông Krông Ana; Jơnum ngui bôh thâo djop djuai ania tơring glông Ea Kar tal II, thun 2023. Tui hăng yă Nguyễn Thụy Phương Hiếu, Kơ-iăng Khua Gơnong bruă bôh thâo, bơkơjăp drơi jăn hăng tuai čuă ngui Daklak, hơdôm bruă mă, bôh thâo jơnum ngui thun anai pơphun amăng blan sa blan di ƀơi lu tơring glông, plơi prong amăng tơring čar./.