Pơphun mơng anai truh abih lơ 31/12, hrơi pơdă prưng hơmâo 2 črăn, hơmâo “Hơdôm tơlơi dưi bơwih ƀong huă-mơnuih mơnam mơng tơring čar Dak Lak tơdơi kơ 120 thun” hăng “Thác Hai-Anih yôm amăng ia krông Ea Hleo”. Amăng anun, črăn hơdôm tơlơi dưi bơwih ƀong huă-mơnuih mơnam pơdă prưng 200 rup rap, hră pơ-ar kơ thun blan pơjing hăng pơđĭ kyar mơng tơring čar Dak Lak amăng djop rơnuk, găn rơgao 80 thun akŏ pơjing hăng pơđĭ kyar mơng ling tơhan tơring čar Dak Lak.

Anai lĕ anŏ pơdah tong ten, lăi pơthâo rơđah thun blan pơjing tơring čar Dak Lak, mơng kual lŏn aka ƀu hơmâo hơget, rin rơpa hrưn đĭ kơtang, jing sa boh tơring čar pơđĭ kyar kơtang ƀơi kual Dap kơdư hăng đơ đam dêh čar. Črăn pơdă prưng akŏ gai khuer pơtâo Thác Hai, lĕ gơnam yôm dêh čar blung a mơng tơring čar Dak Lak hơmâo tŭ yap, jai pơsit tong hơdôm anŏ yôm mơng gru grua, thun blan pơđĭ kyar mơng tơring čar Dak Lak.