VOV4.Jarai-Uă ia ho\u do\ đôm [ơi meng tơdơi kơ nao gum hrom mă bruă kih rơmet [ơi jơlan nao rai amăng plơi, hrom hăng [ing tơdam dra hlak ai să, gơyut Mari, hlak ai tơdăm dra plơi Ka Dơng 2, să Să Ka Dơng, tơring glông Đơn Dương, tơring ]ar Lâm Đồng pơdah pran jua mơak, pơ]râo brơi kơ gơmơi [uh jơlan rơgoh [hung, hiam klă, yua [ing gơyut tơdăm dra hlak ai pô hyu kih rơmet. Gơyut Mari brơi thâo "Anai le\ mông kih rơmet tal rơnu] amăng thun, yua anun hơmâo lu hlak ai tơdăm dra gum hrom, gơmơi kiăng rơmet tong ten, rơgoh truh hrơi ngă yang thun phrâo, ană plơi pla rô nao rai [ơi jơlan anai dlăng rơgoh hiam, hơmâo tơ-ui kyâo  mơtah mơda. Gơyut Mari lăi tui anai:

            Lơm să jak iâu rai mă bruă kih rơmet jơlan glông, gơmơi rai mơtam yơh, djơ\ mông mă bruă lu mơnuih djơh hăng anai mơak biă mă, lu tơdăm dra hlak ai gum hrom, boh nik `u amăng hrơi ngă yang  pơ prong, djop mơnuih ngă hrom mơak, [uh anai jing sa bruă mă tu\ yua kơ mơnuih mơnam. Sa bơnah dong, wơ\t tơdah djơ\ mông mă bruă amăng krah adai pơ-iă hai, gleh glar tu\ mơn samơ\ mơak biă mă.

            Ăt kah hăng gơyut Mari mơn, tơlơi mơak jai prong tui lơm dưi djru pran jua ta amăng bruă pơgang hăng ba glăi ano\ mơtah mơda [ơi plơi pla, tơlơi anun [uh rơđah ano\ hok kơdok pơ[uh  [ơi  djop [o# mơta [ing hlak ai do\ mă bruă hrơi anun, gơ`u dik dăk kih rơmet jơlan glông plơi pla, ala [on. Gơyut Ya Nghiệp le\ ră ruai kơ bruă mă laih anun lăi pơthâo pran jua tơlơi `u mă bruă lơm glăk bruih ia kơ phun kyâo [ơi akiăng jơlan, `u lăi:

            Kâo ngă hrom bruă pla kyâo laih anun kih rơmet jơlan glông amăng plơi, hrom hăng phung tơdăm dra mut phung, kâo [uh bruă mă anai yom biă mă, djru hrom bruă pơgang ano\ hơdjă kơ tơlơi hơdip mơda, anih anom krom do\ [ing ta, ră anai jơlan plơi pla tuh hăng kơsu go\ drong bê tông soh, [ing hlak ai amăng plơi, ăt ngă djơ\\ tơlơi phiăn jơlan glông, kâo [uh mơak biă mă.

            Să Ka Dơng tom jing sa amăng hơdôm anih rung răng kơ bruă pơgang ayuh hyiăng lo\n adai glai klô, bruă du` djah djâo, pơrai djah djâo, aka pơ[ut ha anih. Hrom hăng anun, tơlơi arăng mă yua jrao put jrao kơ bruă hmua lu biă mă. Kah hăng kmơ\k proai, ia jrao pơgang phun pla hăng mă yua kmơ\k mơtah, boh nik `u amăng bruă pla a`ăm pơtam, [u djơ\ kơnong ngă sat kơ tơlơi suaih pral ană mơnuih đô] ôh, `u bơbe] djơ\ kơ lo\n mơnai glai klô, ia yua anih ta do\ dong. {u djơ\ hnun đô] ôh mơ\, ayuh hyiăng lo\n mơnai glai klô anih ta do\, tui hăng  mơta tơlơi pơkă tal 17 lơm 19 mơta tơlơi pơtrun man pơdong plơi pla phrâo, să dưi tu\ yap kual plơi pla phrâo, hiam. Thâo hluh rơđah, ano\ ngă sat kơ ayuh hyiăng lo\n mơnai glai klô, ba truh kơ tơlơi hơdip mơda mơnuih [on sang, ăt kah hăng  ngă pơgiong 19 mơta tơlơi pơtrun, man pơdong plơi pla phrâo, khul tơdăm dra să Ka Dơng, lăi pơthâo hăng khoa moa să, brơi ngă pơgiong hơnong pơkă tal 17, kah hăng bruă rơmet jơlan glông amăng plơi pla, [on lan, pơgaih amăng ia rô, hyu du` djah djâo, rơnăk hlâo ia, pla phun kyâo tơ-ui, djru hrom bruă pơgang ayuh hyiăng lo\n adai glai klô rơgoh hơdjă, hiam mơak. Hăng pran jua kơsung nao pơ anăp, pơyơr pran jua, dong mơng hơdôm hrơi blung a pơphun mă bruă, khul tơdăm dra rơnuk Hồ Chí Minh să tu\ mă tơlơi tu\ ư mơng lu hlak ai tơdăm dra, gơyut Ma Chương, khoa git gai tơdăm dra rơnuk Hồ Chí Minh să Ka Dơng brơi thâo:

            Hăng ano\ pơkă djru pơgang ayuh hyiăng lo\n adai glai klô [ơi să kiăng rơgoh hơdjă. Tơdơi kơ sa rơwư\ pơphun mă bruă rơmet jơlan glông, rơmet anih anom jum dar sang do\ plơi pla, lu mơnuih ngă hrom, kâo [uh plơi pla ala [on rơgoh biă mă. Rơngiao kơ bruă rơmet set rơgoh jơlan glông, pla kyâo pơtâo mơtah mơda [ơi akiăng jơlan nao rai amăng plơi, amăng să, r^m blan gơmơi kih rơmet hăng bruih ia kơ phun kyâo pơtâo, ră anai, glăk prăp lui ]re than, ngă pơhiam phun kyâo, kơ` pơgi kiăng kơ phun kyâo hiam, hơbôt.

            Hrom hăng bruă hyu kih rơmet ayuh hyiăng lo\n mơnai plơi pla, [ing tơdăm dra hlak ai amăng să, rơkâo ngă bruă hyu pơtô pơblang, jak iâu sang ano\ pô ăt ngă hrom bruă pơgang tơlơi hơdjă kơ plơi pla, sang ano\, lan sang. Ngă na nao tui anun, hlâo adih mơnuih [on sang aka [u thâo hluh, ră anai ngă tui djơ\ soh. Jơlan anet, jơlan prong amăng plơi pla hlâo adih [uh pơrơkă pơrơkưng, sep sop kơ djah djâo, eh rơmô kơbao, un mơnu\ truh ră anai djop pô thâo hluh, ano\ hơ[ak jrak `u, laih anun pơblih yơh hơdră mă bruă, tơlơi juăt among, ngă bơ be] djơ\ kơ ayuh hyiăng. Amai Ma Duyên plơi Ka Đơn 1 brơi thâo:

            Ană kâo ngă bruă tơdăm dra amăng să hyu pơtô kơ sang ano\ rơnăk hơdjă anih anom krom do\, djah djâo khom du` pơ[ut h^, pơrai djơ\ hơdră. Bruă ngă anai hơmâo ano\ tu\ yua biă mă, djru hrom bruă pơgang plơi pla rơgoh. Ră anai, amăng să djop sang hơmâo anih tuh djah, pơrai djah soh anun plơi pla rơgoh hơdjă.

            Nao pơ Ka Đơn hrơi anai, [ing ta [uh sa hơbo# phrâo plơi pla hiam, jơlan glông nao rai hiam, rơgoh hơdjă, hơmâo glông kyâo pơtâo pla tơpă ]ơ ]rang laih anun [uh lu anih tuh djah pơrai djah djơ\ hơdră ha anih. Ơi Nguyễn Đức Khánh, Kơ-iăng khoa git gai ping gah să Ka Đơn, tơring glông Đơn Dương lăi pơthâo:

            Lăi kơ tơlơi ngă hơ[ak jrak plơi pla, hăng să Ka Dơng le\ hlâo adih tơnap tap biă mă, ping gah să pơtong lăng bruă anai yơh yom hloh, je] ame] mơn. Yua kơ anun, amăng thun blan rơgao, Khul tơdăm dra hlak ai hơmâo ngă lu bruă pơgop hrom bruă man pơdong plơi pla phrâo, boh nik `u amăng bruă wai pơgang ayuh hyiăng. Bruă blung a [ing hlak ai ngă le\ kih rơmet, pơ rơgoh jơlan glông plơi pla amăng să, laih dong pla thim 1000 phun kyâo mơtah mơda, hrom hăng anun r^m blan [ing hlak ai hyu du` djah djâo, kih rơmet plơi pla. Rơgao ha thun pơtong glăi 90% phun kyâo hơdip, anun yơh tơlơi gêh gal kiăng biă mă djă bong pơgang tơlơi hơdjă ayuh hyiăng lo\n glai adai rơhuông plơi pla hiam klă. Dong mơng bruă mă anun, gơmơi lêng kơ hơmâo tơlơi apah bơni kơ khul, kơ r^m ]ô mơnuih, [ing ba gru hlâo amăng bruă mă kiăng kơ [ing hlak ai pơko\n hla tui, hrăm tui.

            Thun 2015 phrâo laih rơgao, să Ka Đơn hơmâo ngă giong hlâo hơdră man pơdong plơi pla phrâo, djru hrom amăng boh tơhnal ba tơring glông Đơn Dương dưi jing sa boh tơring glông giong ta` hlâo bruă man pơdong plơi pla phrâo [ơi kual }ư\ siăng. Amăng boh than tu\ yua anun, hơmâo tơlơi djru pran jua mơng [ing hlak ai tơdăm dra mut phung să Ka Đơn. Mă bruă be] bel, hmar, kơsung nao pơ anăp, hlak ai Ka Đơn glăk ngă laih anun amra ngă dong hăng pran jua ai hơtai kơsung nao pơ anăp, gum hrom tu\ yua amăng bruă pơđ^ kyar man pơdong kual plơi pla phrâo [ơi plơi pla ala [on pô.

Nay Jek : Pô ]ih hăng pôr