VOV4.Jarai -  Khua ding jum đang hmua hăng pơđĭ kyar ƀôn lan dêh čar ta ơi Lê Minh Hoan phrâo hmâo mông mă bruă hăng tơring čar Hậu Giang kơ tơlơi bơwih ƀong huă ngă đang hmua ƀơi tơring čar anai. Amăng mông mă bruă, ơi Lê Minh Hoan rơkâo tơring čar Hậu Giang tañ hmâo jơlan gah ngă pơplih tơlơi pơmin amăng bruă ngă đang hmua hơdai nao bơwih ƀong đang hmua kiăng đĭ tui nua gơnam tam kơ mơnuih ƀôn sang. Amăng anun, ƀu djơ̆ kơnong kơ ngă mă sa hơdră ôh mơ̆ ñu dô̆ tum pơƀut lu hơdră amăng sa kual ngă đang hmua kiăng pơplih mơng ha sa jing lu mơta tơhnal pơđĭ kyar tum pơƀut pơlir hơdôm gơnong bruă, mơng anun dưi pơƀut glăi lu nua yôm amăng bruă bơwih ƀong huă, ngă đang hmua. Pơ̆ anăp anai, Ding jum đang hmua hăng pơđĭ kyar ƀôn lan dêh čar ta amra djru tơring čar Hậu Giang ngă tui hơdră “Ƀut pơlir hơbit gơnong bruă măi mok hăng đang hmua pơkĕ hăng pơđĭ kyar tuai čuă ngui đang hmua” kiăng tum pơƀut lu nua yôm ƀơi rơnoh klă hloh./.

Siu H’ Prăk: Pô pơblang