VOV4.Jarai - Ră anai, pŭ rơmô kơbao ƀơi tơring čar Kon Tum hơmâo rơbêh 100 rơbâo drơi, năng ai ñu 50% amăng mrô anun lĕ neh met wa rông prưh lui, ngă ngă tơnap amăng bruă pơgang klin, tlâ̆o vaccine ăt tơnap mơn. Ƀơi anăp kơ bruă hơmâo sa, dua anih ƀuh klin ngă kơčung rơka amăng bah, hlung tơkâo, ƀơi klĭ rơmô kơbao pơđeh pơrơtut hăng mriah thă thuêl. Jơnum min mơnuih ƀon sang tơring čar git gai Anom bruă ngă hmua hăng pơđĭ kyar ƀon lan hrŏm hăng hơdôm plơi pla kiăng pơtrut pơgang klin kơ hlô rông. Hrŏm hăng hyu pôr pơhing, pơtô kiăng ană plơi thâo hluh rông gơnam rơnuk rơnua, Jơnum min mơnuih ƀon sang tơring čar git gai hơdôm plơi pla lăng glăi, jŭ yap mrô rơmô kơbao, hyu pruih jrao, guang dar anih hơmâo klin phrâo, laih dong brơi tlâ̆o vaccine kơ rơmô kơbao.

Siu H’Mai: Pơblang