VOV4.Jarai - Ƀơi Kontum abih bang hơmâo rơbêh 650 ektar hmua pla plum ƀơi 6 boh tơring glông, plơi prong anun lĕ: Sa Thầy, Đắk Tô, Kon Plông, Kon Rẫy, Ngọc Hồi hăng plơi prong Kontum ƀuh kman peñ hla yua virus hăng bơbrŭ akha plum. Ƀơi anăp kơ tơlơi anai gong gai hăng gơnong bruă ngă hmua hơdôm tơring glông, plơi prong ƀuh kman gơgrong pơdjai kman, pơgăn hŭi lar hyu kơtang.

Đang pla plum ƀuh kman peñ hla yua virus khŏm rŭ pơrai hĭ

Hrŏm hăng bruă rŭ, pơrai, ƀơi hơdôm tơring glông, plơi prong amăng tơring čar Kontum hơmâo hmua ƀuh kman peñ hla yua virus anun lĕ Sa Thầy, Đăk Tô, Kon Plông, Kon Rẫy, Ngọc Hồi, plơi prong Kontum. gơnong bruă ngă hmua hăng mơnuih ƀon sang ăt pơphun pruih ia jrao pơdjai arŏng kô̆ kiăng pơgăn hĭ kman anai. Sui pơ anăp, gong gai hơdôm tơring glông, plơi prong hơmâo akŏ bruă tong ten hăng đang hmua rơbêh 650 ektar hmua plum ƀuh kman peñ hla yua virus hăng bơbrŭ akha.

Siu Đoan: Pơblang