VOV4.Jarai - Kiăng kơ tŭ yua dong amăng bơwih ƀong huă hăng ƀơƀrư̆ hơmâo lu dong phun pla, tơring glông Cát Tiên, Lâm Đồng glăk pơtrut pơđĭ kyar hmua pla añăm tam. Ră anai tơring glông hơmâo pơgiong kual pla añăm tam hăng 524 ektar ter hang ia krông Đồng Nai. Hơdôm pơjeh añăm pla lu hloh ƀơi tơring glông Cát Tiên anun lĕ: Añăm hơbơi, rơtă, tơmun ia, añăm pia, xà lách. Yua kơ lŏn mơnai pla lăp djơ̆ đang hmua pla añăm ter hang ia krông Đồng Nai hluh đĭ hiam, huăi hlăt mŏt pơčrăm hăng hiam hơdjă. Dưm dưm rĭm ektar añăm ba glăi kơ mơnuih ƀon sang Cát Tiên mơng 300 klăk truh pơ 500 klăk prăk rĭm thun, lu mơng 5 truh pơ 10 wŏt pơhmua hăng ngă hmua pơdai. Ră anai gơnong bruă ngă hmua tơring glông Cát Tiên glăk pơsur mơnuih ƀon sang hăng djru brơi boh thâo pla pơjing, prăk tuh pơ alin, pơjeh kiăng kơ lu sang anŏ hơmâo lŏn hmua ter hang ia krông Đồng Nai tŏ tui pơplih phun pla hơdai nao pla añăm tam mă yua boh thâo phrâo kiăng kơ hơmâo lu dong prăk pơhrui, hrưn đĭ amăng tơlơi hơdip.

Siu Đoan: Pơblang