VOV4.Jarai - Kiăng pơtrut pơđĭ kyar bruă đang hmua hơdjă, hrom hăng hơdôm jơlan gah djru pơjeh, hơdră bôh thâo phrâo, pơdŏng hơdră ngă gru hlâo, tơring čar Lâm Đồng dô̆ djru hơdôm bôh anom pơkra gơnam tam, pơkra gơnam mă mơng đang hmua hơdjă prăk yua pơtrut sĭ mơdrô. Kiăo tui anun, Ngăn drăp kơnuk kơna djru ba mơkrah prăk pơjing anăn păn gơnam tam mơng hơdră đang hmua hơdjă hăng rơnoh djru đut hlah ƀu rơgao 25 klăk prăk lom anom. Hrom hăng anun, ăt djru mơn ha mơkrah prăk pioh hơdôm bôh anom bơwih ƀong, mơnuih gum hrom jơnum ngui sang čơ amăng lŏn ia, amăng anun hmâo prăk dŭ pơgiăng gơnam tam, apah anih pơdă gơnam hăng rơnoh djru đut hlah ƀu rơgao kơ 25 klăk prăk kơ tal gum hrom amăng 1 thun. Hăng tơlơi gum djru anai amra djru hơdôm bôh anom pơdŏng klă anăn gơnam tam, lăi pơhưč gơnam tam, mơng anun pơjing tơhnal gal pioh sĭ mơdrô gơnam, pơsit anăn păn gơnam tam hăng pơđĭ nua gơnam bơkơtưn kơ gơnam hơdjă ƀơi Lâm Đồng./.

Siu H’ Prăk: Pô pơblang