VOV4.Jarai - Gơnong bruă ngă hmua hăng pơđĭ kyar ƀon lan Lâm Đồng phrâo hơmâo tơlơi pơsit djru brơi rơbêh 1 klai 300 klăk prăk brơi 64 boh sang anŏ, ƀing mơnuih, khul grup bơwih ƀong, pơkra pơjing gơnam đang hmua, rông akan hơdang tui hơdră pơkra pơjing gơnam đang hmua hơdjă mơng Ding jum ngă hmua hăng pơđĭ kyar ƀon lan pơtrun (VietGAP). Amăng anun, hơmâo rơnoh prăk pel ĕp, sem lăng, pơsit hră gơnam tui VietGAP tal blung a; hơduah ĕp lŏn mơnai, ia, gơnam tam; apah prăk ƀing rơgơi boh thâo phrâo nao pơtô brơi ƀing mơnuih wai lăng, mơnuih mă bruă ƀơi hơdôm anih anom ngă tui VietGAP. Laih dong, gơnong bruă ngă hmua hăng pơđĭ kyar ƀon lan tơring čar Lâm Đồng amra mă yua rơbêh 20 klăk prăk duh brơi bruă pel ĕp, pơsit lăng gơnam tui VietGAP.

Siu Đoan: Pơblang