VOV4.Jarai-Gơnong bruă wai lăng sĭ mơdrô Lâm Đồng rơkâo Jơnum min mơnuih ƀôn sang tơring čar ngă hră rơkâo đĭ hăng Ding jum pơtom hiăp, Ding jum wai lăng sĭ mơdrô kơ bruă hơduah ĕp anih sĭ mơdrô ăt kah hăng iâu pơthưr anom bruă sĭ mơdrô rông hlăt suai mrai pioh mă boh sĭ mơdrô amăng dêh čar ta pô.

Djop sang bruă sĭ mơdrô rơkâo tơring čar djru kơ bruă rông mă ƀudah pơkra hruh hlăt suai mrai brơi boh čeh ană hơđong ƀơi tơring čar Lâm Đồng mơtam ƀudah amăng dêh čar Việt Nam ta pô. Ding jum pơtom hiăp, Ding jum wai lăng sĭ mơdrô Việt Nam ngă hrom Anom bruă khua pơ ala dêh čar Việt Nam ƀơi Côn Minh dêh čar Khač brơi hơduah ĕp anih sĭ mơdrô ƀudah anom bruă sĭ mơdrô djop tơlơi gêh gal pơkra hruh boh hlăt suai mrai pioh sĭ kơ anom bruă rông hlăt suai mrai.

Tui hăng Gơnong bruă wai lăng sĭ mơdrô tơring  čar Lâm Đồng ră anai hơmâo 9.100 hektar ( ha) đang phun boh kơbuă čem hlăt ƀong, kiăng hơmâo boh hruh hlăt suai mrai truh kơ 286 rơbâo hruh sa thun hăng đĭ tui 5% rĭm thun.

Nay Jek: Pơblang