VOV4.Jarai - Tơdơi kơ 13 thun ngă tui tơlơi pơsit mrô 26 - NQ/TW hăng tơlơi pơsit mrô 899 mơng Khua dêh čar tŭ yap akŏ bruă pơplih bruă ngă hmua; gơnong bruă ngă hmua tơring čar Lâm Đồng hơmâo pơplih tong ten, tui mrô jŭ yap lĕ prong hloh pơhmu hăng đơ đam dêh čar. Đơ đam tơring čar hơmâo pơplih giăm 125 rơbâo ektar phun pla djop mơta; lu hơbô̆ bruă pla pơplah ba glăi tŭ yua, pơhrui hơmâo hmăi kơ mơnuih ƀon sang. Truh ră anai, hơmâo rơbêh 60% hmua kơphê pla pơjeh pơtlep than, ƀudah hơdôm pơjeh hiam pơkŏn; hơmâo giăm 70% hmua pla phun boh troh mơboh. Añăm tam, bơnga jai hrơi pla djop mơta hăng hơdjă, djơ̆ hăng tơlơi kiăng, pơjing kual pla phun kyâo boh troh, añăm tam, bơnga prong hloh, djơ̆ hăng tơlơi kiăng amăng pơkra pơjing gơnam tam hăng sĭ mơdrô.

Siu Đoan: Pơblang