Tui anun, rĭm boh tơring glông, plơi prong amăng tơring čar ruah sa boh să, phường, tơring kual ƀudah plơi pla, ƀut plơi pla kiăng pơphun hlâo. Boh tơhnal ngă tui hơmâo gir run  pơgiong hơdôm hơnong pơkă bơwih ƀong huă-mơnuih mơnam; pok pơhai hơbô̆ bruă pơđĭ kyar bơwih ƀong huă, pơplih pơkra đang hmua, pơđĭ kyar gơnam OCOP; man pơdong phrâo, pơkra ming jơlan glông, čroh ia, sang gru grua, anih bơrơguăt drơi jăn…

Thun 2025 tơring čar Kon Tum ba tơbiă hơnong pơkă pơđĭ kyar rơbêh 10%; pơhrui ngăn drăp kơnuk kơna amăng tơring čar mơng 5.000 klai prăk pơ glông; pơplih pơkra dong 2.000 ektar đang hmua; ruh hĭ 100% mrô sang tơ̆i rơ̆i, sang dŏ jang jai; hơmâo dong 7 boh să đĭ plơi pla phrâo hăng 200 boh plơi pla đĭ plơi pla phrâo amăng kual mơnuih djuai ania ƀiă….