VOV4.Jarai-Tui hăng tơlơi lăi pơthâo mơ̆ng anom bruă wai lăng pla pơjing hăng pơgang phun pla tơring čar Gia Lai, yap truh akŏ blan 6/2021 kman ngă brung hla, kô̆ hla phun tơbâo ƀơi tơring glông Ia Pa truh kơ 393 ha.

Him lăng pơ anăp anai, kman ngă ƀlak hla tơbâo ăt lar hyu, yua dah hơmâo mơ̆ng hmua hơđăp, lơ̆m ayuh hyiăng adai hlor tui, pơ-iă kơtang hơmâo tom hơjan hrom dơ̆ng amuñ biă mă kman ngă ƀlak hla hơđuh rai.

Kiăng plai ƀiă kman ngă ƀlak hla phun tơbâo, hŭi ngă sat kơ anŏ tŭ yua kơ đang tơbâo mơ̆ng lu sang măi amăng tơring čar, Gơnong bruă đang hmua hăng pơđĭ kyar plơi pla rơkâo jơnum min mơnuih ƀôn sang djop tơring glông, anih hơmâo đang tơbâo lu hăng hơdôm sang bruă pơdjơ̆ hrom, tañ pơtô pơblang brơi mơnuih ƀôn sang, pơčrâo brơi hơdră mơnuih ƀôn sang pla tơbâo thâo tong ten anŏ hŭi rơhyưt kman ngă sat kơ phun tơbâo laih anun pok pơhai sa amăng plĕ hơdră pơhlôm, pơgang djơ̆ hăng tŭ yua.

Nay Jek: Pơblang