VOV4.Jarai-Tlam lơ 7/6, ƀơi tơdron rơdêh por jar kmar Nội Bài, Kông ty pơčruh ngăn Pacific Foods hơmâo pơsit boh vải thiều Thanh Hà, Hải Dương blung a ba nao sĭ mơdrô pơ kual Mi kô̆ tui hră Pơkôl sĭ mơdrpp rơngai kơplah wah Việt Nam hăng EU iâu klah čun EVFTA.

Amăng rơwang hrơi tơjuh pơ anăp, hơdôm kơthung boh vải thiều Lục Ngạn, Bắc Giang ăt ba nao pơ anih sĭ mơdrô ƀơi 27 boh dêh čar ruah biă mă blơi gơnam. Ƀơi mông ngă lơphet, ơi Vũ Bá Phú, Khua anom bruă ĕp anih sĭ mơdrô mơ̆ng Ding jum wai lăng tuh tia sĭ mơdrô lăi: mah bơbeč djơ̆ klin Covdi 19 hai, samơ̆ Ding jum ngă hrom Ding jum Bruă hmua hăng pơđĭ kyar plơi pla pok pơhai lu hơdră mơ̆ng akŏ bơyan pĕ boh thun 2021 hyu ĕp anih anom sĭ mơdrô, blơi boh troh mơ̆ng Việt Nam.

Ră anai, hơdôm hơpluh tơn boh vải thiều mơ̆ng 2 boh tơring čar Hải Dương hăng Bắc Giang hơmâo ba nao laih pơ dêh čar Japan, Singapore. Laih anun hơdôm hrơi pơ anăp hơdôm dêh čar EU anih hơmâo 430 klăk čô mơnuih ƀôn sang. Boh tơhnal anai yua hơmâo tơlơi pơtruh nao rai, hơduah ĕp anih sĭ mơdrô blơi boh vải thun 2021.

Nay Jek: Pô pơblang