Amăng mông bơkơtuai, hơdôm bôh anom bơwih ƀong rơkâo đing nao 4 ƀut tơlơi prong. Gah tơlơi pơkă, anom bơwih ƀong ba tơbiă tañ mă yua mrô gơnong bruă kơ gơnam tam phara ha jăn, ngă amuñ hră pơ-ar hăng rơwang bruă apui pơkĕ hăng pơ-iă yang hrơi, pơsit brơi mrô kual pla, pơphun pơplông mă hră pơsit pô gơgrong ngă gong jơlan blơi sĭ lŏn, sang hăng pơtlaih tơnap amăng pơsir lŏn mă yua, Gah prăk mă yua, rơkâo pok pơhai anung prăk čan mă kơmlai ƀiă kơ startup (pok phun bruă mă), prăk čan phara ha jăn kơ pơkra gơnam mă mơ̆ng đang hmua hăng hơdră bruă djru prăk mă jia kơ anom bơwih ƀong gah hră mă yua măi mok.

Gah anom mă yua, lu tơlơi gum pơhiăp rơkâo pơkă hơdôm bôh anom hrĭp mă apui lơtrik, tuh pơplai logisticss, anih dưm rơ-ŏt hăng pơkră glăi jơlan nao rai amăng kual. Rơngiao kơ anun, khul bơwih ƀong ăt čang rơmang mơn hơdôm ding jum, gơnong bruă hăng plơi pla đing nao pơđĭ kyar anih anom pok phun bruă mă măi mok, pơtô pơhrăm mơnuih mă bruă mrô hăng pơtrut kơtang lăi pơhing pơčeh phrâo pioh pơđĭ anăn păn gơnam mă mơ̆ng đang hmua./.