Jơnum hrŏm tơña hăng lăi glăi pioh sem lăng bruă ngă tui mơ̆ng Kơnuk kơna, djop ding jum, anom bruă, ngă tui 6 hră pơtrun kơ tơlơi tơña hăng krăo lăng sa akŏ bruă mơ̆ng Jơnum min apăn bruă phun pơ ala mơnuih ƀôn sang dêh čar, hơmâo ngă tui mơ̆ng akŏ rơwang bruă tal XV truh abih thun 2023, ƀơi anih pơƀuh ƀô̆ mơta jơnum tơring čar Dak Lak, pô pơ ala Nguyễn Thị Thu Nguyệt, grup pơ ala mơnuih ƀôn sang dêh čar ƀơi Dak Lak hơmâo tơña nao kơ Khua ding jum Bruă hmua hăng Pơđĭ kyar plơi pla kơ bruă mă glăm ba gah bruă hmua hăng pơđĭ kyar plơi pla amăng bruă pơkă hnơ̆ng hăng dăp hơdră pơkă hnơ̆ng.

Tơdơi kơ hmư̆ tơlơi lăi glăi mơ̆ng  Khua ding jum Bruă hmua hăng Pơđĭ kyar plơi pla ơi Lê Minh Hoan, yă Nguyễn Thị Thu Nguyệt, grup khua mua pơ ala mơnuih ƀôn sang dêh čar tơring čar Dak Lak lăi: Khua ding jum lăi glăi rơđah rơđong laih. Ding jum Bruă hmua hăng Pơđĭ kyar plơi pla hơmâo anăp ngă bruă lăp djơ̆, tong ten. Samơ̆ tơlơi hlăk hơmâo ră anai pơđĭ kyar ngă hmua pla pơjing ƀơi rim boh tơring čar hăng tui hluai anŏ kiăng mơ̆ng mơnuih ƀôn sang ăt dŏ phara đôč.