Grŭp pơphun bruă bơkơtuai čơkă mă rơbêh kơ 40 mơta tơlơi čih lăi pơthâo mơ̆ng ƀing kơsem min bôh thâo phrâo, khua pơ ala hơdôm ƀirô Ping gah dêh čar, sang hră pơtô bruă, sang hră gưl dlông amăng đơ đam lŏn ia.

Hơdôm tơlơi lăi pơthâo glăi đing nao ngă rơđah hơdôm nua yôm prong prin Tơlơi lăi pơtŏng Rơngai: Pơtŏng sit bôh than hrưn đĭ kơjăp mơ̆ng djuai ania gah yŭ tơlơi git gai mơ̆ng Ping gah hăng Khua mir sir Hồ Chí Minh; pok tơbiă rơnuk phrâo kơ djuai ania, dưm phun akha kơ truh kih ngă hơkrŭ Việt Nam. Lu tơlơi gum pơhiăp lăi rơđah bôh tŭ yua jar kơmar dơlăm mơ̆ng Tơlơi lăi pơtŏng, pơdah tơlơi čang rơmang rơnuk rơnua, dưi pô, dưm kơnar. Bruă bơkơtuai ăt lăi nao mơn bruă ngă tui tơlơi pơmin, nua yôm ƀu rơngiă mơ̆ng Tơlơi lăi pơtŏng Rơngai, djru ngă brơi djuai ania Việt Nam pơđĭ kyar pơdrŏng asah, yâo mơ-ak, gum hrŏm hăng gơyut gơyâo jar kơmar./.