Tui lăng glăi, tơlơi bơwih ƀong huă-mơnuih mơnam amăng ƀôn prong 4 blan akŏ thun tŏ tui ba glăi tơlơi hiam klă. Abih tih prăk pơhrui mơng tuai čuă ngui blan 4 him lăng giăm 20.000 klai prăk, đĭ 30% pơhmu tui tơđar….Bruă prap lui dưm dăp anih anom mă bruă djop gưl hăng gong gai 2 gưl hơmâo ngă tui ječ ameč, gơgrong, hmao tlôn. Hơdôm bruă jao, hơdră bruă pơtrut pơđĭ kyar hơmâo ngă tui khut khăt. Hơdôm akŏ bruă, ring bruă yôm phăn, akŏ phun, bruă man pơkra jơlan glông tơkuh nao rai hơmâo tŏ tui pơtrut man pơkra tañ.

Sit biă ñu, ƀôn prong Hồ Chí Minh hơmâo pơphun truh kih hơdôm bruă pioh hơdor glăi 50 thun hrơi pơklaih rơngai kual Dơnung, pơlir lŏn ia, ngă lar hyu amăng đơ đam dêh čar hăng mơnuih ƀôn sang pơ tač rơngiao, gơyut gơyâo jar kmar đing nao. Mơng tơlơi tŭ mă mơng mơnuih ƀôn sang, tơlơi truh kih mơng hơdôm bruă mă rơgơi lĕ atur kiăng ƀôn prong Hồ Chí Minh pơjing tơlơi ngui pơlir lŏn ia amăng lơ 30/4 rĭm thun, pơdah tơlơi yôm phara hăng pơjing anih čuă ngui, gru grua mơng ƀôn prong.