Tơdơi kơ ha thun pơphun ngă, pri hră pơhing pơhưč rơbêh 250 tơlơi pơhing mơ̆ng lu anom bruă čih tơlơi pơhing đơ đam dêh čar. Hơdôm tơlơi čih pơhing lăi pơthâo djŏp mơta tơlơi pơplih phrâo, giăm ană plơi, krăp lăng ană plơi, gum akŏ pơdong anom bruă kơnuk kơna bơwih brơi mơnuih ƀôn sang, pơdah rơđah tơlơi gơgrong “dŏ gak bah amăng” mơ̆ng Ding jum wai lăng Tơlơi phiăn amăng bruă čih pơkra giong tơlơi phiăn hăng akŏ pơdong plơi pla ƀôn lan ngă bruă hơdip tui tơlơi phiăn.

Khul brơi pri hơmâo ruah mă 18 tơlơi čih pơplông tal rơnuč, amăng anun hơmâo 2 pri A, 2 pri B, 4 pri C hăng 10 Pri pơtrut pơsur kơ hră pơhing in hăng hră pơhing điện tử. Bruă brơi pri anai ngă lăp hơdor biă mă, bang hyu anŏ yôm, pơsit tơlơi gơgrong bruă, tơlơi kơdrưh mơ̆ng anom bruă Tơlơi phiăn amăng rơnuk phrâo./.