amăng blan 8, tơring čar hơmâo 85 boh sang anŏ rông bui djơ̆ klin pơtah čroh mơ̆ng kual Ơi Jŭ, khŏm ba čuh prai 1.100 drơi. Yap mơ̆ng akŏ thun truh ră anai, klin pơtah čroh ƀơi bui hơmâo ƀơi 35 bh să, phường, ngă kơ rơbêh 2.500 drơi bui ba čuh hĭ. Ră anai ăt dŏ hơmâo 27 boh să, phường hơmâo bui djơ̆ klin aka ƀu rơgao 21 hrơi ôh.

Hrŏm hăng klin pơtah čroh bui mơ̆ng kual Ơi Jŭ, hơdôm djuai khin kheng ƀă hyu hŭi pơkŏn dong kah hăng čơƀung amăng bah hlung tơkâo, pơđeh ƀơi klĭ, mah aka ƀu ƀuh ôh amăng blan anai, samơ̆ ăt amuñ hơđuh đĭ mơn. Phun ñu lĕ yua virus dŏ sui gah rơngiao, ƀă hyu tui lu jơlan; lơ̆m anun mơnuih ƀôn sang yơh rông lu, aka ƀu pơhlôm hơdjă ôh. Rơngiao kơ anun, ayuh hyiăng ƀu lăp wơ̆t hăng ƀu hơmâo đơi ơi ia jrao anun jing bruă krăp lăng dŏ tơdu./.