Ƀơi mông bưp, 138 čô mơnuih pơ ala kơ ƀing thâo hră, rơgơi kơhnâo, mơnuih adoh suang sem glăi bruă mă, djru pran mơ̆ng anom bruă pô thun rơgao. Mơ̆ng anun, rơkâo đĭ hơdôm bruă kiăng ngă gah bruă kơsem min boh thâo ia rơgơi, adoh suang thun pơ anăp dơ̆ng. Pơhiăp ƀơi mông bưp, khua mua tơring čar Dak Lak brơi thâo: thun 2022, tơlơi pơhing bơwih ƀong huă mơnuih mơnam tơring čar hơmâo lu tơlơi pơblih đĭ tui klă. Abih bang tơhnal pơkă tui Hră pơtrun hơmâo ngă djop.
Bruă mă pơtô pơjuâ̆t, pơtô hrăm, gru grua, ia jrao, pơhlôm bruă mă tơlơi hơdip mơda mơnuih mơnam ăt pơgang hơđong, wai lăng dêh čar pơgang rơnuk rơnua, mơak kơ mơnuih ƀôn sang dưi bong kjăp. Dưi ngă boh tơhnal anai, yua hơmâo tơlơi djru hrom ƀu anet ôh mơ̆ng ƀing mơnuih thâo hră, rơgơi kơhnâo amăng tơring čar. Amăng anun, pơtum nao ngă tui tŭ yua lu hơdră, kơčăo bruă kơsem min boh thâo ia rơgơim pơčeh phrâo adoh suang pơjing rai pran jua pơtrut bơwih ƀong huă mơnuih mơnam ƀơi tơring čar.
Viết bình luận