Čih pioh hăng kah pơpha hơdôm tơlơi tơnap tap mơ̆ng plơi pla, khua mua apăn bruă pơala mơnuih ƀôn sang tơring čar Dak Lak rơkâo, ƀing pơ ala kơ mơnuih ƀôn sang khom gơgrong ba bruă mă, kiăo tui tong ten tơlơi git gai mơ̆ng ping gah, kơnuk kơna hăng anom bruă khua pơ ala mơnuih ƀôn sang dêh čar; pơđĭ tui boh tŭ yua amăng bruă mă.

Yă Cao Thị Hòa An, Khua Khul pơ ala mơnuih ƀôn sang tơring čar Dak Lak brơi thâo, mơ̆ng ră anai truh hrơi plĕ hră ruah khua pơ ala mơnuih ƀôn sang dêh čar hăng khul pơ ala mơnuih ƀôn sang djop gưl thun 2026, rơnoh bruă pơsir lu biă mă kơ khul pơ ala mơnuih ƀôn sang anun kiăng kơtưn sem glăi, ngă pơgiong tơlơi phiăn pơkă bruă mă, kơtưn krăo lăng hơdôm tơlơi mơnuih ƀôn sang ruah khua đing nao, ƀuh hăng pơsir hơdôm anih kơđông amăng bruă mă, ĕp hơdră pơsir lăp djơ̆.