Jơnum lok anai hơmâo pơsit hĭ 18 pok hră pơtrun yom kơ bruă mă ruah mơnuih apăn bruă ngă khua, tơlơi pơtrun kơ bruă pơđĭ kyar, pơpha prăk kăk hăng mă yua ngă rơnoh kơnuk kơna, pơkă hơnơ̆ng, pơdăp djop mrô mơnuih apăn bruă gong gai kơnuk kơna dua gưl tơdơi kơ dăp glăi ngă hơbôt tui, dưi pơhlom pơgang dêh čar, rơnuk rơnua.

Anai lĕ tơlơi phiăn ngă atur djru pơsir hĭ tơlơi tơnap tap, dŏ gun amăng bruă či mă yua ngăn rơnoh, pơjing pran kơtang pơtrut ngă giong tơhnal pơkă amăng thun 2025 hăng čăl yap mơ̆ng thun 2021-2025. Khul pơ ala mơnuih ƀôn sang tơring čar pơtrun hiăp, jơnum min mơnuih ƀôn sang tơring čar pơtum git gai pok pơhai ngă tui sa hơnơ̆ng, boh nik ñu bruă mă brơi yua prăk kông ngăn čar tuh pơ alin kơ bruă čar, gir run khom ngă djop 100% akŏ bruă jao sa thun; kiăng tañ pơsir hĭ tơlơi dŏ gun, mă bruă mơ̆ng gong gai să, dưm dăp djop mrô mơnuih mă bruă, tơlơi gêh găl kiăng mă bruă pơsir bruă mơnuih ƀôn sang hruaih hloh; prăp lui tong ten bruă či plĕ hră ruah khua pơ ala mơnuih ƀôn sang dêh čar tal XVI hăng khul pơ ala mơnuih ƀôn sang tơring čar rơwang bruă thun 2026-2031.