Prăp lui kơ mông Jơnum ruah khua Ping gah tơring čar Dak Lăk tal 1, rơwang thub 2025-2030 glăk hơmâo ngă ječ ameč yua giăm truh hrơi laih. Hơdôm bruă pôr pơhing glăk hơmâo ngă ƀơi abih bang, pôr pơthâo tui lu glông, pơtrut pơsur mơ-ak pran jua ƀing khua, mơnuih ping gah hăng mơnuih ƀôn sang.

Him lăng, mông jơnum amra pơphun amăng rơnuč blan 9 anai. Anai jing bruă kơđi čar yôm biă kiăng pơtum glăi rơwang bruă phrâo rơgao, ba tơbiă hơdră đĭ kyar phrâo kơ 5 thun pơ anăp, anăp nao Jơnum ruah khua ping gah đơ đam dêh čar tal 14. Truh ră anai, 106 ping gah să phường amăng tơring čar hơmâo ngă giong laih bruă Jơnum. Kiăng pôr pơthâo tañ, tơpă sit kơ mông Jơnum, Gơnong bruă Gru grua, Bơrơguăt drơi jăn hăng tuai čuă ngui ngă hrŏm hăng hơdôm anom bruă amra pơphun iâu jơnum hăng ƀing hyu mă tơlơi pơhing hlâo hăng tơdơi kơ mông Jơnum./.