Anai jing tơlơi kiăng mơng Kơ-iăng khua dêh čar Trần Hồng Hà ƀơi mông jơnum hăng Ding jum ia jrao hăng hơdôm boh tơring čar kơ kơčăo bruă dưm dăp glăi sang ia jrao yua Ding jum ia jrao wai lăng, pơphun amăng tlam lơ 1/6. Ră anai, Ding jum ia jrao hơmâo 34 boh sang ia jrao gơgrong bruă khăm pơjrao tal rơnuč, git gai sang ia jrao, pơtô bruă brơi ơi ia jrao, biă ñu lĕ ơi ia jrao hrăm tơdơi kơ đại học; kơsem min, pơđĭ kyar, jao glăi kĭ thuâ̆t phrâo...
Tui hăng kơčăo bruă, bruă dưm dăp glăi sang ia jrao hơmâo Ding jum ia jrao git gai ăt wai lăng 30 boh sang ia jrao dong mơn. Bơ sang ia jrao 74 Kơnuk kơna (pơdong ƀơi Vĩnh Phúc) jao glăi tui hơđăp pơ Jơnum min mơnuih ƀon sang tơring čar Vĩnh Phúc wai lăng; Sang ia jrao Kơnuk kơna 71 (pơdong ƀơi Thanh Hóa), Sang ia jrao Kơnuk kơna Djru wai lăng mơnuih ruă - Pơjrao kiăng tañ hơmâo pran (ƀơi Thanh Hoá) hơmâo pơphun glăi jing Sang ia jrao hrăm bruă mơng sang hră Đại học Y Hà Nội; Sang ia jrao prong Kơnuk kơna Quảng Nam hơmâo pơphun glăi jing sang ia jrao mrô 3 mơng Sang ia jrao prong gưl Kơnuk kơna Huế.
Viết bình luận