Trung tướng Nguyễn Doãn Anh, Ding kơna Ping gah dêh čar, Kơ-iăng Khua pơphô bruă Khul ling tơhan mơnuih ƀôn sang dêh čar Việt Nam ƀơi anăp črâo ba bruă pơhrăm ƀơi Dak Lak. Bôh yôm mông pơhrăm lĕ pơsir tơlơi amra hmâo pơsir ƀơi anih hmâo lu mơnuih tum pơƀut ƀu djơ̆ phiăn, djru gum, pơtlaih mơnuih hăng blah mă ƀing ngă pirat, pơtlaih brơi mơnuih mă ngă anô̆ sông mă ƀơi Tơdrun tum păn Cát Tiên, Tơdrŏn rơdêh por Đà Nẵng hăng Gŏng phun pơtui jua pơhiăp hăng pơdah rup tơring čar Dak Lak.

Tơlơi ngă pơphô ƀơi tơring čar Dak Lak jing bruă grŭp mơnuih ngă pirat mut dŏp, pơgăn abih bang mơnuih apăn bruă, mơnuih mă bruă Gong phun pơtui jua pơhiăp hăng pơdah rup tơring čar. Gơñu pơgô̆ mơnuih pơtui jua pơhiăp pôr hyu tơlơi lăi pơthâo amra tơblư̆ gong gai, pơjing kơnuk kơna pơanăn mă. Dong mơ̆ng anun mơtăm, Ling tơhan hơdeč hmar hăng hơdôm khul ling tơhan ƀơi Dak Lak pok pơhai hơdôm bruă mă pơgăn ƀing ngă pirat hăng pơtlaih mơnuih gơñu mă anô̆ sông mă./.