Lơ 8/9, ƀơi sang bruă Ping gah, yŭ kơ tơlơi git gai mơ̆ng Khua git gai Ping gah ơi Tô Lâm, khua mua Ding jum Kơđi čar hơmâo ngă bruă hăng Khul khua apăn bruă Ping gah Kông an gơnong dlông pơgôp hiăp kơ hră pơtrun, bruă ruah khua pơdah pơƀuh pơ Jơnum ruah khua Ping gah Kông an tal 8, rơwang thun 2025-2030. Ƀơi mông ngă bruă, tơdơi kơ hmư̆ Khul khua apăn bruă ping gah Kông an gơnong dlông lăi pơthâo, Ding jum kơđi čar tŭ yap bruă prăp rơmet klă, tong ten, tơpă sit mơ̆ng Ping gah Kông an.
 

Hră lăi pơthâo bruă kơđi čar hơmâo prăp lui klă biă, djơ̆ lăp, abih bang, pơtŏng glăi abih bang boh than ngă tui tơlơi pơtrun Jơnum rơwang bruă rơgao, črâo rơđah tơlơi gêh gal, dưi ngă, hơdôm tơlơi aka ƀu djơ̆, phun tơhnal ngă aka ƀu djơ̆, hăng tơlơi lăp hơdor, kơđiăng lui; pơsit rơđah hơdră ngă bruă pơ anăp, tơlơi kiăng hơmâo hăng 3 mơta hơnong pơkă kơ bruă mă, boh thâo wai lăng rơnuk rơnua, hăng boh thâo mrô, bruă djru bơwih brơi, akŏ pơdong khul tơhan mă bruă klă, pơtom hiăp hăng čar rơngiao; 8 mơta bruă yôm phun hăng 3 mơta tơlơi pơplih prong mơ̆ng Ping gah Kông an gơnong dlông rơwang bruă pơ anăp...Ding jum kơđi čar tŭ ư hăng bruă pơphun Jơnum ruah khua Ping gah Kông an gơnong dlông tal 8. Kiăo tui hơdôm tơlơi pơtum glăi ƀơi mông Jơnum, kiăng Khul khua apăn bruă Ping gah Kông an pơhmư̆ tui đah mơ̆ng čih pơkra giong hră pơtrun hăng bruă ruah khua mua ƀơi mông jơnum; khua mua git gai črâo bruă ngă klă djŏp bruă prăp rơmet; pơphun Jơnum ruah khua truh kih, mơ-ak, ngă gru, hmư̆ hing./.