Mơ̆ng lơ 1/7 truh lơ 15/8, djop sang bruă čih anăn pơhaih akŏ sang, mơnuih ƀôn sang tơring čar Lâm Đồng hơmâo pơsir brơi rơbêh 46.400 pok hră čih anăn, amăng anun giăm 36.200 pok hră, čih pơmut mơ̆ng ataih online hăng giăm 7.300 pok hră mơ-it nao rai amăng plang internet (điện tử).

Kiăng pơsir hĭ tơlơi tơnap, gun gan anun, Kơ-iăng khua ding jum Tơlơi phiăn ơi Nguyễn Thanh Ngọc lăi lĕ, hăng bruă ngă truh 80% hơdră ngă hră pơar amăng kơnuk kơna ră anai dưi pơsir ƀơi să, tơring čar Lâm Đồng kiăng đing nao dăp pơpha djop mơnuih mă bruă gưl să; đing nao tuh pơ alin blơi gơnam yua mă bruă bơwih brơi tơlơi pơhing ia rơgơi phrâo; blơi djop măi komputer mă bruă kiăng djop pơsir bruă či kiăng online, pơsir bruă jao čih anăn, pơmut anăn mơnuih oôn sang.